A galega impuxose en semifinais a Marga Cameselle e logo derrotou por un só punto á catalá Silvia Roca no final
Sábado, 13 de marzo de 2010.- A tripulación do Liceo Casino de Villagarcía, composto pola pontevedresa Tamara Echegoyen, a coruñesa Sofía Toro e a asturiana Ángela Pumariega, coroouse hoxe campioa de España de Match Race Feminino en augas da baía de Santander, nun campionato organizado polo Real Club Marítimo de Santander e a Real Federación Española de Vela coa colaboración da Federación Cántabra de Vela.
As de Echegoyen conseguiron superar o equipo da viguesa Marga Cameselle no último enfrontamento das semifinais que quedaba por disputar, pasando deste xeito ao final, para a que onte xa se clasificara a tripulación da catalá Silvia Roca tras gañar todos os matchs disputados en semifinais.
O final decidíase á mellor de cinco probas, e cumpriu disputaras todas dada a gran igualdade que demostraron as dous finalistas. Dun lado, a catalá Silvia Roca, a tinerfeña Eva González e a pontevedresa Lara Cacabelos, actuais líderes do ránking nacional e compoñentes do equipo preolímpico, con moita experiencia navegando xuntas, primeiro en Yngling como segunda tripulación na olimpíada de Beijing 2008 e agora en Match Race Feminino, disciplina en que o ano pasado lograron un cuarto posto no Campionato de Europa Universitario e o título de subcampoas iberoamericanas.
Do outro, un dos tres equipos da selección Caixanova de Vela desprazada a Santander coa pontevedresa Tamara Echegoyen á cana, e a coruñesa Sofía Toro e a asturiana Ángela Pumariega como tripulantes. O ano pasado alzáronse co título de campioas do Circuíto Nacional de Match Race, e chegaban a este campionato con moitas ganas como unha oportunidade de entrar no equipo preolímpico.
Os chuvascos e os cambios na dirección e na intensidade do vento marcaron o final, que se disputou cunha media de entre sete e dez nós.
Roca empezou adiantandose no marcador, pero axiña Echegoyen reaccionou para sumar dous triunfos consecutivos. O cuarto match foi para a catalá, que deste xeito igualou a dous as cuadrículas. No último e decisivo cara a cara, Echegoyen, Toro e Pumariega sacaron o mellor de si mesmas para levarse o parcial e, en definitiva, a coroa de campioas de España.
Tanto as novas campioas de España como as subcampoas participarán a finais deste mes en Mallorca no Trofeo SAR Princesa Sofía Mapfre, regata puntuable para a selección do equipo preolímpico de Match Race Feminino.
Na disputa polo terceiro posto, a galega Marga Cameselle, que navega coa tamén viguesa Esperanza Barreras e coa regatista do Real Club Marítimo do Abra, Sofía Basterra, fixo valer as súas horas de navegación nesta disciplina fronte ao de Sandra Azón e de que tamén forman parte a asturiana Graciela Pisonero e a pontevedresa Amalia Calviño. Cameselle, campiona de España da especialidade do ano pasado e compoñente do equipo preolímpico, impuxose ante Azón por 2-1, polo que subiu ao terceiro chanzo do podio. Tamén moita igualdade houbo polo tanto neste final de consolación.
