Segunda victoria consecutiva de “Augas de Mondariz-Avenue Woman Sport” no VIII Trofeo Torre de Hécules

O equipo feminino comeza con forza e n seus adestramentos para as probas de Alto Nivel do Circuíto
O pasado sábado celebrouse en augas da Ría Coruñesa a segunda proba do VIII Trofeo Torre de Hércules organizado polo Real Club Náutico da Coruña.
Máis de 25 embarcacións inscritas para esta regata na que por causas de roles de vento tiveron que aprazar a súa saída ata as 15:05 cunha intensidade de 6 nós que acompañou sen variar significativamente as 8,2 millas que formaban o percorrido marcado polo comité.
O equipo feminino “Augas de Mondariz-Avenue Woman Sport”, celebrou seu segunda victoria consecutiva neste Trofeo, unha inmellorable forma de comezar os seus adestramentos, xa que se atopan en proceso de adaptación a súa nova embarcación –X37- que seguen preparando para competir esta tempada 2008 nas regatas de Alto Nivel do Circuíto.
Pese ao complicado da saída, o “A. de Mondariz-Avenue” soubo manterse na liña e comezou a proba cunha boa posición. Aos poucos tomou vantaxe acadando o primeiro flotador de desmarque en primeiro lugar e continuou no corpo da flota durante toda a proba ata o momento da chegada.
Esta tripulación, completada na súa totalidade por mulleres, disponse a dar que falar, traballando duro nunha competición na que ata fai moi pouco era case exclusiva de homes. O seu patrocinador principal “Augas de Mondariz”, aposta forte polo desafío que todo iso supón, salientando o carácter competitivo de todo o conxunto e a súa gran capacidade de traballo en equipo. Contan coa colaboración de primeiras marcas como Mercedes Benz, Musto, Grupo Cortefiel… e todo iso co protexo de quen orixinou todo este proxecto: Avenue Illustrated, unha revista de alta calidade editada a nivel internacional e que está adicada principalmente, e como non podía ser doutra maneira, á muller.

A chegada das mozas en tempo real foi ás 16h 39' 25'', seguidas do Hansa –X60- de Julian Ojea. En tempo compensado, o “A. de Mondariz-Avenue” de Pilar Casares segue no primeiro posto a 30'' do Raygrass e a 32'' do XGROG.
Cos resultados desta segunda proba do Trofeo, a clasificación Xeral deixa ao “AUGAS DE MONDARIZ-AVENUE.W.S” en primeiro lugar con 2 puntos, en segundo posto, o XGROG de Ricardo Vara con 6 ptos e en terceiro lugar ao RAYGRASS de Jose A. Núñez con 7 ptos.

Beatriz Lence no podio na Semana Olímpica de Andalucía

Do 5 ao 9 de febreiro pasados, celebrouse en augas da baía de Cádiz a III Semana Olímpica de Andalucía – VIII Trofeo de Entroido, unha cita coa vela lixeira de calidade, onde un dos papeis transcendentais recaeu no Equipo de Regatas Caixanova- O Club Marítimo de Canido, coloca no podio a unha das súas figuras máis brillantes, dóbre campiona autonómica de Optimist, Beatriz Lence, que agora forma parte da división de Láser 4.7, xunto con Ana Carnero, clasificada na quinta posición. Lence ocupou a segunda praza nun caixón moi disputado, con regatistas de nivel, mozos promesas do futuro equipo olímpico español de vela.

A nota predominante estivo marcada por unha meteoroloxía adversa, con duras condicións de mar e vento da que non se libraron nin os participantes da Barcelona World Race que atravesaban durante estes días o estreito de Xibraltar no seu retorno para a cidade Condal.

Sen poder disputar todos os días de regatas, realizáronse varias das probas programadas, salientando na primeira xornada unha brillante Ana Carnero, que se poñía líder da cita andaluza. Pronto tomoulle a substitución Beatriz Lence, ratificando o bo momento das galegas. A partir de aí, Lence non se apearía do podio, en dura disputa co vencedor, Daniel González, que xogaba na casa, á igual que a terceira clasificada, Patricia Coro.

Con estes resultados a Escola de Vela Caixanova-Club Marítimo de Canido, comeza unha boa tempada na modalidade do Láser 4.7 baixo a coordinación do seu director Emilio Méndez.

Campionato Galego Optimist

Durante o fin de semana pasado celebrouse na Ría de Arousa a edición de 2008 do Campionato Galego de Optimist, organizado polo Liceo Casino de Vilagarcía, coa colaboración da Federación Galega de Vela e a Dirección Xeral para o Deporte da Xunta de Galicia, coa emoción das regatas vividas na auga nunha cita de grande nivel, onde as opcións do autonómico mantivéronse abertas ata a última manga.
A primeira xornada disputouse o sábado, cun vento que ofreceu o xusto para comezar o campionato, entre 6 e 8 nós, destacando en primeiro lugar a actuación de Patricia Suárez, e un sólido Pedro Martínez, ambos do Real Club Náutico de Vigo, que dominaron todo o percorrido desde os seus inicios. Seguíanlles moi próximos Alejandra Celada, do Club Marítimo de Canido, e Carlos Castelao, do náutico vigués. Con todo, a velocidade de Patricia Suárez, que gañaba con soltura esta primeira proba, deixou a máis da metade da flota fóra de xogo, incluídos algúns membros da Selección Galega da clase, dotando ao Náutico de Vigo do liderado provisional da cita autonómica.

A segunda xornada iniciouse deixando á categoría C en terra, debido a unhas condicións de mar e vento moi adversas ás do inicio do Campionato Galego, con puntas de 18 nós. O campo situouse fóra da dársena para evitar os roles e refachos que se producen no seu interior. A medida que transcorría a mañá as circunstancias meteorolóxicas fóronse recrudecendo, chegándose a alcanzar rexistros de 34 nós, e ondas de máis dun metro. O Club Marítimo de Canido facía pleno nesta segunda proba do rexional, colocando a 3 dos seus patróns entre os 5 primeiros, Alejandra Celada e os irmáns Lence, Miguel e Álvaro, que foron primeira, segundo e quinto, respectivamente. A partir de aí intentouse buscar outra localización máis gorecida para o campo de regatas, cun aplazamento que se converteu en retirada final.

A terceira xornada resultaba decisiva. Tomada a decisión por parte do Comité de saír á mar, aínda que non se desen as condicións mínimas, foi fundamental.

Finalmente, tras as medias de resultados e o descarte aplicado, gañaban o Campionato Galego de Optimist na categoría absoluta, NMiguel Lence en homes, e Alejandra Celada en mulleres, ambos do Club Marítimo de Canido.

Unha xornada moi completa para estos regatistas mais novos. Esperamos que no próximo campionato as rapazas poidan seguir os pasos da nosa compañeira.