III Campeonato de España Match Race Femenino

Támara revalida o seu título nacional da especialidade
El pasado sábado 12 de marzo finalizou en augas da Ría de Arousa o III Campionato de España de Match Race Feminino que, organizado polo Real Club de Regatas de Galicia.


Difícil día para ser a última xornada do encontro internacional, despois dunha semana intensa na que a boa temperatura, mar en calma e vento que, aínda que de compoñentes distintas, establecían nas fases de virazón e de mar durante horas e permitían, holgadamente, a execución do Roun Robind e das semifinais. o ultimo día, pola contra, o frío, a choiva e a case ausencia da compoñente meteorolóxica, motriz nos Elliott 6m, deixou unha final navegada con brisas frouxas de apenas 6 nós.

Con todo a emoción se estivo presente en cada momento desta última fase, cunha Silvia Roca que se viu prexudicada por unha decisión arbitral que considerou dubidosa, arbitrada a poucas esloras da chegada, no momento no que lle ía a empatar o match ao seu adversario, Ekaterina Skudina. Finalmente, a “petit final” foi para a rusa, téndose que conformar a catalá, coa cuarta praza do Open de Vilagarcía.

A mesma sorte correu o equipo de Támara Echegoyen, que levou até o último extremo ás holandesas coas que disputaba a final. Comezaron perdendo os dous primeiros match. Sacaron forza e valor e recuperaron barlovento gañando os dous seguintes, xogándose o Open xeneral no quinto e último enfrontamento. Un penalti ou infracción na presalida minguou as súas opcións saíndo con desvantaxe, unha estratexia que soubo aproveitar moi ben a holandesa Renee Groeneveld, gañando a cita de Vilagarcía de Arousa.

Aínda así, Echegoyen, Toro e Pumariega, revalidan o seu título nacional, como campioas de España, o segundo consecutivo, e o obxectivo principal neste encontro.

A próxima cita das campioas de España será en Palma de Mallorca, para disputar o Trofeo Princesa Sofía Mapfre.

Clasificación final Campionato de España
1. Támara Echegoyen
2. Silvia Roca
3. Marga Cameselle
4. Elisabeth Llargués
5. Ascensión Roca

III Campionato de España Match Race Feminino

Vilagarcía de Arousa acolle o III Campionato de España de Match Race Feminino

A cita é un OPEN no que tomarán parte países como Rusia, Francia, Holanda, Suecia ou Portugal

Vilagarcía de Arousa será a terceira cidade española que acolla un Campionato de España de Match Race Feminino, a nova modalidade en clases olímpicas que será inaugurada en Londres, o próximo ano.

Esta mañá foi presentada a gran cita nacional nunha rolda de prensa montada no miradoiro que, sobre a cuberta do Centro Galego de Vela, otea boa parte da ría arousá. Presidida por Javier Puertas, Presidente da Autoridade Portuaria do Porto de Vilagarcía, estivo conducida por Pedro Piñeiro, Presidente do Real Club de Regatas de Galicia, e ao que acompañaron José Anxo Rodríguez, Presidente da Federación Galega de Vela e Vicepresidente da Española, e Alberto García, Director do Centro Galego.

Despois de Valencia en 2009, e Santander en 2010, Vilagarcía converterase no epicentro da vela olímpica española, por ser esta regata unha das pezas crave nas puntuacións que determinarán as representantes españolas no Reino Unido.

Desenvolverase do 8 ao 12 de marzo, utilizando como porto base o Centro Galego de Vela de Vilagarcía, sendo a primeira xornada de adestramento oficial, e o resto de enfrontamentos ata chegar á gran final.

O sábado poranse en marcha as semifinais enfrontándose o primeiro clasificado do Round Robin contra o cuarto e o segundo contra o terceiro, clasificándose os gañadores para a final, que se disputará unha vez concluídas as semifinais.

Do mesmo xeito que en 2010 o Campionato de España de Match Race Feminino disputarase con barcos iguais, os Elliott 6m, nos que navegarán tres tripulantes. Deseñados polo neozelandés Gregg Elliott, é a embarcación que substitúe en clases olímpicas ao coñecido Yngling feminino, decisión tomada pola ISAF no ano 2008.

Na cita de Vilagarcía 12 serán as patroas que tomen parte neste Campionato de España de Match Race Feminino, considerado como regata OPEN, é dicir, permítese a participación de equipos doutros países que, coa súa achega, elevan o nivel da regata, servindo de adestramento de face aos próximos Xogos Olímpicos de Londres.

Os dous nacionais disputados con anterioridade foron para: Marga Cameselle, o de 2009, en augas de Valencia, que correrá baixo a denominación de Pastor-Porto de Vigo; e para Támara Echegoyen, o de 2010, en Santander, que o fará baixo a grímpola do Liceo Casino de Vilagarcía.

No plano internacional o Match Race de Vilagarcía contará coas rusas Ekaterina Skudina e Ekaterina Kutovaya, a francesa Julie Bossard, as suecas Anna Kjellberg e Caroline Sylvan, a portuguesa Rita Gonçalves e a holandesa Rene Groeneveld.

En total disputaranse 22 Flights compostos na súa totalidade por 66 enfrontamentos ou miniregatas.

Moita sorte a todas as regatistas.