O Náutico Rodeira domina a categoría feminina

O Náutico Rodeira domina a categoría feminina no Ibérico de Vaurien
Celebrouse en Vila Franca de Xira (Portugal) o 19 e 20 de Setembro

Mércores, 23 de Setembro de 2009.
A pasada fin de semana celebrouse en Vila Franca de Xira (Portugal) o Campionato Ibérico da Clase Vaurien que contou coa participación de 41 equipos de España e Portugal que loitaron contra vento e correntes en augas do Río Tajo.
Os claros dominadores do Campionato foron os irmáns Jaime e Alfonso Leirós, do Real Club Náutico de Sanxenxo, que cun barco prestado demostraron o bo momento no que se encontran. Segundos foron os regatistas do Real Club Náutico de Vigo Pablo Cabello e Javier Lago, acompañados no pódium polos seus compañeiros de Club os irmáns Andrés e Rafael Jiménez. Cuartos foron os locais Alexandre Paulino e Luis Lima, que cunha manga menos lograron estar nos postos de cabeza.
Na categoría Xuvenil a Victòria foi para os vigueses Antonio Pérez e Iria Eguía que mantiveron o seu posto a pesar de romper o mastro na espectacular última manga.
As mozas do Real Club Náutico Rodeira dominaron a súa categoría proclamandose vencedora María Campos e Beatríz Quintá. Segundas foron Rocío Fernández e Carlota Comesaña mentres que en terceira posición terminaron Violeta e Beatríz Martínez.
A próxima cita para o Equipo do Naútico Rodeira será a próxima fin de semana no Marítimo de Canido onde dispítalle a última das Clasificatorias Autonómicas.