Marga Cameselle pon ao seu equipo de lider na 1ª xornada do Caixanova Women Match Race de Punta Lagoa na Ría de Vigo

Gran comezo de campionato da tripulación que lidera a viguesa Margarita Cameselle e pertencente á Real Federación Española de Vela.
Tras a primeira xornada da Caixanova Women Match Race que organiza o Club Náutico Punta Lagoa, proba puntuable con Grado 1 para o Circuíto Mundial desta especialidade olímpica, as españolas colleitaron catro vitorias en cinco encontros. Os seus vítimas: a segunda tripulación española de Tamara Echegoyen, as italianas, as portuguesas de Rita Gonçalves (número 20 no ránking mundial) e as suecas de Karin Hagström, unha das mellores especialistas do vello Continente. Con estes resultados España A, coa viguesa Margarita Cameselle como patroa, lidera o xeneral provisional, empatada a puntos con Suecia, polo cal a posibilidade de acadar as semifinais, que era o obxectivo do preparador do Equipo Olímpico Español, Paul Maes, parece máis accesible.

Pouco vento en xeral na mañá, cun problema organizativo grave, pois o Oficial Principal de Regata o lusitano Joao Alen non chegaba a Vigo aquejado de enfermidade, que lle provocou que antonte fose hospitalizado. O seu posto tíñao que suplir o vigués Secundino Cigarrán. Ata o mediodía soamente tiñan lugar seis encontros. Na apertura a irregular Julie Bossard de Francia caía ante Karin Hagström de Suecia, para posteriormente imporse a Tamara Echegoyen. Suecia pola súa banda desfacíase sen problemas de Portugal con Rita Gonçalves á cana e as portuguesas no encontro seguinte impíñanse a Italia de Cristiana Monina. Os dous últimos match antes da primeira suspensión por falta de vento, eran para Margarita Cameselle, que saldábaos con sendas vitorias sobre Monina e Echegoyen.

Tras un parón de máis de dúas horas, a primeiras horas da tarde, e xa cun vento iniciado de 10 nós do oeste, o comité montou un novo campo de regatas, Xa coa frota de Tom 80 no mar e reemprendéronse as mangas nas que Margarita caía ante a francesa Bossard, e que suporía a única derrota da xornada da patroa viguesa. A partir de aí nova Victòria das suecas ante as mozas de Tamara Exchegoyen, que lograba por certo a súa única Victòria ante Rita Gonçalves. Polo demais chegábase ao fío das seis e media da tarde cando se enfrontaban nos últimos encontros da xornada de apertura, Rita Gonçalves e Bossard (gañou a lusitana) e Suecia contra España. Neses momentos Suecia levaba 4 de 4, mentres Cameselle 3 de 4. Victoria de las mozas da viguesa, que lles encarama provisionalmente no xeneral.

Caixanova Women Match Race-Clasificación provisional
1ª ESPAÑA (Marga Cameselle) 4 vitoria en 5 encontros,
2ª SUECIA (Karin Hagström) 4 de 5,
3ª FRANCIA (Julie Bossard) 2 de 5,
4ª ITALIA (Cristiana Monina) 1 de 4,
5ª ESPAÑA (Tamara Echegoyen) 1 de 4
6º PORTUGAL (Rita Gonçalves) 2 de 5.